हीरा कि कीरा ?

प्राध्यापक, त्यसमाथि डाक्टर। हीराबहादुर महर्जन त्रिभुवन विश्वविद्यालयको कूलपति बन्नुअघि उनका नामका अघि झुन्डिएका पदवीले साँच्चै हीरा नै हुन् कि भन्ने ठान्नु स्वाभाविक थियो।

पछिल्लो समय राजनीतिले सिकिस्त भएको विश्वविद्यालयको चिरफार डाक्टर साहेबले राम्रैसँग गर्लान् भन्ने अपेक्षा थियो धेरैमा। तर, नाम हीरा भएर के भो ? उनले त एक वर्षमै कीर्तिपुरमा मौलाएको रोग डाक्टर उत्पादन गर्ने थलोसम्मै पुर्‍याइदिए। र, शिक्षण अस्पताललाई राजनीतिले आक्रान्त बनाइदिए। यति मात्र हो र ? चिकित्सा क्षेत्रका व्यवसायीरूपी कीराहरूको संक्रमण अस्पतालमा भित्र्याइदिए। यी हीरा हुन् कि कीरा ? अब यिनकै चिरफार थाल्ने हो कि ?
- रामबहादुर रावल
http://www.ekantipur.com/nepal/2070/10/12/full-story/6415.html
अंक ५८० | २०७० माघ १२